 Yo'nalish Kodi | 5510400 |
 Kasbiy mutaxassisliklar | Ortopedik stomatologiya texnigi. |
 Ixtisosliklar |
|
 Qobiliyatlar | ixtiyoriy jismoniy yoki ruhiy holatdagi bemor bilan til topishib keta olish, diqqatni bir joyga to‘plpy olish, barmoqlarning ajoyib motorikasi, davolash preparatlari va plomba materiallari sifatida qo‘llaniladigan vositalarga nisbatan allergiyaning va yuqumli kasallikning bo‘lmasligi. |
 Fanlar | kimyo, biologiya, fizika, chet tillari, ona tili va adabiyot, informatika, psixologiya, estetika. |
 Mazmuni | |
 Afzalliklar | yuqori daromadlar; shinam va yaxshi ta’minlangan binolardagi ish; ishning qulay grafigi; ilmiy kareraga imkoniyat; insonlar hayotida kasbning muhimligi; xususiy klinikaga ega bo‘lish imkoniyati. |
 Kasbiy qiyinchiliklar | patsient sog‘ligi uchun yuqori mas’uliyat; muntazam ravishda malakani oshirib borish; yuqori ish haqi to‘lanadigan ish joylaridan biriga ega bo‘lish uchun yuqori raqobat; hidni juda yaxshi sezadigan va bosiq xarakterga ega bo‘lmagan insonlar uchun qiyin ish. |
 Batafsil ma`lumot | Stomatologiya – tibbiyotning og‘iz bo‘shlig‘i, jag‘ va tish kasalliklariga oid bo‘limi. Bizning har birimiz hayotimizda hech bo‘lmaganda bir marotaba stomatolog qabulida bo‘lganmiz. SHunday ekan, u nima bilan shug‘ullanishini hammamiz yaxshi bilamiz. Stomatologiyada foydalaniladigan bittagina dorining hididan noxush holatiga tushadiganlar esa ushbu kasbni egallab, yaxshi maoshda ishlash haqida o‘ylamaganlari afzalroq. Stomatolog bir vaqtning o‘zida patsientlarni qabul qilishi, ularni diqqat bilan tinglay olishi, tishlar va og‘iz bo‘shlig‘ini ko‘rishi va kasallangan tishni, kasallik sababini va davolash usulini, davolash preparatlarini aniqlab olishi zarur. SHundan keyingina zarur og‘riqsizlantiruvchilar yordamida davolash jarayonini olib borishi lozim. Ba’zan, davolash kurslari oylab cho‘zilishi ham mumkin. Stomatolog ishining yana bir qiyin tomoni – “g‘alati mashina”lardan juda-juda qo‘rqadigan va gapirib bilmaydigan patsientlar, ya’ni yosh bolalarni davolash. Ular bilan ishlash uchun har qanday vrachdan talab qilinganidek, tish doktori ham yaxshi psixolog bo‘lishi shart. Tibbiy-stomatologik texnika va preparatlarning xilma-xilligi esa hozirgi kunda davolovchini ham, davolanuvchini ham ortiqcha muammolardan va noqulayliklardan xalos etadi. Stomatolog va ortopedik stomatologiya texnigining vazifasiga faqat kasallangan tishlarni davolashgina emas, balki ularni olib tashlash, o‘rniga boshqa tishlarni o‘rnatish, patsient xohishiga qarab, bo‘lajak tishlar uchun material tanlash va o‘lchamlarni olish ham kiradi. Bu o‘rinda mutaxassislardan kosmetika qoidalariga rioya qilishlariga ham to‘g‘ri kelishini unutmasligingiz kerak. Lekin agarda stomatologiya sohasi sizni o‘ziga jalb etishining asosiy sababi pul bo‘lmasa, u holda sizning endigina ishga kirish davringizda sizdan ko‘ra ancha tajribaliroq bo‘lgan hamkasblaringiz raqobatiga qay darajada dosh bera olishingizni tushunib etish lozim. Agarda siz ish uchun, hattoki tajribasiz ishchilarni ham iliq chehra bilan qabul qilishadigan, duch kelgan hududga borib ishlashga rozi bo‘lishingiz – bu boshqa mavzu. Qishloq joylarida yaqin o‘n-o‘n besh yil ichida stomatologlar protezistlar xizmatiga bo‘lgan ehtiyoj yuqori bo‘lishi kutilmoqda. Eng yaxshisi – xususiy klinika ochish uchun keng imkoniyatlarning mavjudligi. Hozir stomatologiya sohasida ham superzamonaviy texnika va texnologiyalar joriy etilmoqda. Demak, soha egalaridan bu borada bilimlarni tinimsiz oshirib borishlariga to‘g‘ri keladi. Bemorlarga tashxis qo‘yishdan tortib, davolash usullari, davolashning texnik vositalari, ulardan to‘g‘ri foydalana olish bo‘yicha zarur bilim, ko‘nikmalarga ega bo‘lmasdan turib, professional stomatolog va ortoped-texnik bo‘lishning iloji yo‘q. |