Qishloq xo‘jaligini elektrlashtirish va avtomatlashtirish
KASBI HAQIDA BATAFSIL MA`LUMOT

Yo'nalish Kodi	5430200
Kasbiy mutaxassisliklar	Elektrlashtirish va avtomatlashtirish elektromexanigi.
Ixtisosliklar	O‘rta maxsus (elektr-o‘lchov va avtomatik elektr asboblarini ta’mirlash ustasi, “V” yoki “VS” toifali haydovchi) - qishloq xo‘jaligi va politexnika kasb-hunar kollejlari; Oliy (agrosanoat majmui elektrotexnik uskunalari va elektr ta’minoti) - qishloq xo‘jalik institut (akademiya, universitet)lari, muhandislik, texnika oliy o‘quv yurtlari.
Qobiliyatlar	texnikaga qiziqish, texnik fikrlash, kasbiy mustaqillik va mas’uliyat, ohistalik, aniq mo‘jalli harakatlar, asabiy va jismoniy chidamlilik zarur.
Fanlar	fizika, kimyo, biologiya, ona tili va adabiyot, jismoniy tarbiya, chet tili, chilangarlik ishi, elektrotexnika, elektronika, informatika va axborot texnologiyalari, “Texnik ijodkorlik” to‘garaklaridagi mashg‘ulotlar.
Mazmuni	Qishloq xo‘jalik korxonalari, elektr o‘lchov va avtomatik elektr asboblarini ta’mirlash, ishlatish, ularga texnik xizmat ko‘rsatish, ishga yaroqsizlik sabablarini aniqlash va ularni bartaraf etish, qishloq xo‘jalik mashinalarini boshqarish; CHorvachilik, parrandachilik, baliqchilik, fermalari va komplekslarida – ozuqa tayyorlash mashina va jihozlariga texnik xizmat ko‘rsatish va ta’mirlash; Qishloq xo‘jalik mahsulotlarini saqlash va qayta ishlash korxonalarida – elektr o‘lchov asboblarini metrologik nazoratdan o‘tkazish.
Afzalliklar	“kelajagi porloq” kasb; zamonaviy texnika bilan ishlash; kasb vakillariga ehtiyojning yuqoriligi; ilmiy salohiyatni oshirish; ixtirochilik bilan shug‘ullanish; shaxsiy firmaga ega bo‘lish imkoniyatlari.
Kasbiy qiyinchiliklar	ko‘rish va asab tizimining toliqishi; mexanik, elektr shikastlanishlar olish xavfi; yuqori kasbiy mas’uliyat; smenali ish.
Batafsil ma`lumot	Qishloq xo‘jaligini zamonaviy texnika va avtomatlarsiz tasavvur qilish mumkin emasligini bugun ko‘pchilik yaxshi tushunadi. Avtomatlashtirish va elektron jarayonlarning qishloq xo‘jaligiga kirib kelishi ushbu sohada kadrlar va ularning malakasiga bo‘lgan talabni ham keskin ortishiga sabab bo‘ldi. Qishloq xo‘jaligini elektrlashtirish va avtomatlashtirish elektromexanigi elektron texnika buyumlarini mikropayvandlash, elektron texnika va asboblar detallari hamda tugunlarini montaj qilish, buyumlarni yig‘ish tartibini boshqarish, elektron texnika ishidagi nuqsonlarni bartaraf etish, tashxis qo‘yish ishlarini bajaradi. Qishloq xo‘jalik tashkilotlari turli nazorat-o‘lchov asboblari va boshqa ko‘pgina avtomatik qurilmalar bilan jihozlangan. Barcha turdagi mashinalarning serunum va uzluksiz ishlashi ana shu asboblar ko‘rsatkichining to‘g‘riliga bog‘liq. Mutaxassislar ikki yo‘nalishda mehnat qilishadi: avtomatika vositalari va elektr o‘lchov asboblarini ish jarayonida nazorat qilish va sozlash; ikkinchi tomondan, ishdan chiqqan detal va qismlarni ta’mirlash va almashtirish. Mutaxassislar chilangarlik asboblari va tokarlik dastgohlarida ham ishlay olish kerak. Nimalarni bilish lozim? Elektrotexnika asoslari; hisoblash-echish qurilmasidan foydalanish va ishlab chiqarish jarayonlarini avtomatlashtirish bilan bog‘liq bo‘lgan asosiy tushunchalar; avtomatika vositalari va nazorat-o‘lchov asboblarining tuzilishi, vazifasi, ish prinsipi, ularni montaj qilishning texnik shartlari va usullari; asboblarni tekshirish qoidalari hamda payvandlash ishlari texnologiyasini puxta o‘zlashtirish shart. Omad.