Agronomiya
KASBI HAQIDA BATAFSIL MA`LUMOT

Yo'nalish Kodi	5410200
Kasbiy mutaxassisliklar	Agronom
Ixtisosliklar	O‘rta maxsus (o‘simliklarni himoya qilish agronomi, urug‘chilik agronomi, laborant-tuproqshunos, laborant-entomolog, keng profilli traktorchi, “V” yoki “VS” toifali haydovchi) - qishloq xo‘jaligi kasb-hunar kollejlari; Oliy (agronom, tuproqshunos, o‘simlikshunos, dorivor o‘simliklarni etishtirish va qayta ishlash texnologi, entimolog, seleksiyachi) - kishloq xo‘jaligi institut (akademiya, universitet)lari, agrokimyo fakultetlariga ega bo‘lgan oliy o‘quv yurtlari.
Qobiliyatlar	yuqori yuklamadagi mehnat jarayoni va dala ishiga bardosh bera bilish; erni, o‘simliklarni sevish; tuproq changi, o‘simliklarga nisbatan allergiya bo‘lmasligi lozim.
Fanlar	biologiya, geografiya, kimyo, fizika, jismoniy tarbiya, mehnat ta’limi, ona tili, chet tili.
Mazmuni	Fermer xo‘jaligida, agrosanoat komplekslarida yoki xususiy dehkon xo‘jaligi bog‘-chorbog‘larida - ekish ishlarining tashkil etilishini boshqarish, ekilgan maydonlarda ekinlar rivojini nazorat qilish, oziqlantirish me’yorlarini ishlab chiqish, sug‘orish ishlarini tashkil etish, shuningdek, yig‘im-terim jarayonini boshqarish, almashlab ekish jarayonini rejalashtirish, seleksiya ishlari; Parnik va issiqxonalarda poliz, limon, ko‘kat, gul va boshqa mahsulotlarni ob-havo haroratining past darajasi sharoitida etishtirishni tashkil qilish; Pitomnik va urug‘chilik xo‘jaliklarida - qishloq xo‘jaligi hamda farmatsevtika o‘simliklarining eng yaxshi navlarini, yuqori unumdor urug‘larni saralash, boshoqli, meva-sabzavot, ozuqabob va boshqa o‘simliklarning yangi gibrid hamda sortlarini olish; Qishloq xo‘jaligi yo‘nalishidagi ilmiy-tadqiqot institutlarida -turli xil o‘simliklarning seleksiyasi va urug‘chiligi, ularni etishtirish texnologiyalarini, zararkunanda va o‘simliklar kasallanishiga kurashishning uslublarini ishlab chiqish.
Afzalliklar	ishning o‘zgarmas, turg‘un xarakterga egaligi, qishloq joyida ushbu kasbga talabning kattaligi, hayot - tabiatda, shaxsiy bog‘ yaratish va namunali xo‘jalik tashkil etish uchun katta imkoniyat mavjudligi.
Kasbiy qiyinchiliklar	ish asabiy, kutilmagan holatlar bilan bog‘liq, ish kuni va vaqti me’yorlanmagan, natija har doim ham sarflangan mehnatga yarasha bo‘lmasligi (ob-havoning kelishiga ham bog‘liq), qishloq hayotining o‘ziga xos qiyinchiliklari, tabiat injiqliklari mavjudligi.
Batafsil ma`lumot	Agar sizda xo‘jalik tashkil etish, ishbilarmonlikka ishtiyoq bo‘lmasa, siz ko‘proq hosil etishtirishga intiladigan (ahamiyati yo‘q – paxtami, donmi, polizmi, meva-sabzavotmi) bo‘lsangiz, sizga kredit olish, soliq to‘lash, etishtirilgan mahsulotni sotish ruhiy jihatdan og‘ir bo‘lsa, yaxshisi, siz agronomlik kasbi bo‘yicha diplomni olib, biror bir qishloq xo‘jaligi tashkilotlariga ishga borishingiz ma’qul. Fermerga qaraganda, agronom o‘ziga biriktirilgan er maydonida aniq ish hajmini bajaradi va shu ishi uchun ish beruvchidan maosh oladi. U nafaqat fermer, balki chorvachilik yoki boshqa qishloq xo‘jaligi tashkiloti bo‘lishi mumkin. Unda har bir mutaxassis bilim va ko‘nikmalariga asoslanib, faqat o‘zining ishi bilan shug‘ullanadi, ya’ni agronom agronomligini qiladi. Agronomning vazifasi - unga biriktirilgan er maydonida imkon qadar mo‘l hosil etishtirilishiga erishish. Uning xizmat doirasi, asosan, dehqonchilik ishlaridan iborat: qaysi erni qanday ekinlar ekishga tayyorlash, qachon, qaerda va qanaqa urug‘ ekishni, o‘simliklarni qachon, qay darajada oziqlantirishni, qaysi erga qanday ishlov berishni, o‘z vaqtida suv berish va hokazolarni bilishi lozim. Zararkunandalar bilan kurashish ham uning vazifasiga kiradi. Agronomga doimo maxsus adabiyotlarni o‘qishga, hosildorlik va mahsulot sifatini oshirishning yangi uslublari to‘g‘risida axborot izlashga, zararkunandalar bilan kurashishning yangi uslublari, preparatlari haqida hamda boshqa qator masalalar yuzasidan yangilik olishga to‘g‘ri keladi. Ko‘p va foydali ma’lumotlar internetda mavjud va ommaviy axborot vositalarida ham berilib boriladi. Parnik va issiqxonalarda sabzavotni ham agronom etishtiradi. Gulchilik ham agronomik mutaxassislik. Agar siz agronomlik kasbini tanlagan bo‘lsangiz va yaxshi mutaxassis, o‘z kasbining ustasi bo‘lishni istasangiz, unda botanika, tuproqshunoslik, o‘simlikshunoslik, kimyo, biolgiya va boshqa fanlarni puxta o‘zlashtirishingiz lozim. O‘qish va ishlab chiqarish amaliyoti davrida qancha ko‘p ixtisosliklarni o‘zlashtirsangiz, mehnat bozorida yoki ishga joylashgan tashkilotingizda o‘zingizni ishonchli his etasiz. Agronom ishiga mehr qo‘yishi shart. SHuning uchun bunga oldindan o‘zingizni tayyorlashingiz lozim. Siz har doim dalaga, ekinlarga intilishingiz kerak. Ob-havoning noqulay kelishi bilan paydo bo‘ladigan qiyinchiliklarga bardosh berib, uni enga olishga tayyor bo‘lish lozim. Albatta, kecha-yu kunduz mehnat qilib, ob-havoning aybi bilan kutilgan hosilni olmaslik qattiq botadi. Undan ko‘ra parnik yoki issiqxonada sabzavot etishtirish osonroq. Lekin u erda ham o‘zining muammolari bor. Ular qaerda yo‘q? YAxshi mutaxassis (barcha sohada) ko‘nglida, ishida o‘ziga xos ishtiyoq bo‘lsa, har qanday qiyinchiliklarni engib, maqsad sari intiladi va unga erishadi. Agronom kasbini egallaganingizdan so‘ng afsuslanmasligingiz uchun maktab yillarida, hech bo‘lmaganda, maktab er maydonchasida, tomorqangizda bu kasb bilan tanishishni maslahat qilardik. Agar erda ishlash sizni qiziqtirsa, demak sizdan yaxshi agronom chiqadi.