Transport inshootlarining ekspluatatsiyasi
KASBI HAQIDA BATAFSIL MA`LUMOT



Yo'nalish Kodi		 5340600

Kasbiy mutaxassisliklar		Metropoliten vagonlarining elektr jihozlaridan foydalanish va ta'mirlash texnigi, metropoliten stansiyalari va bekat xo'jaliklaridan foydalanish va xizmat ko'rsatish elektromexanigi.

Ixtisosliklar
  • O‘rta maxsus (mashinist yordamchisi, harakatdagi tarkibning pnevmatik, mexanik va elektr jihozlari chilangari; metropoliten bekati navbatchisi, signallashtirish, markazlashtirish va birlashtirish postlari elektromexanigi, aloqa elektromexanigi) – temir yo‘l va aloqa kollejlari;
  • Oliy (temir yo‘ldan foydalanish va temir yo‘l xo‘jaligi mutaxassisi, avtomobil yo‘llari va aerodromlarni ta’mirlash va saqlash texnigi, ko‘priklar va transport tonellari ekspluatatori) – temir yo‘l va aloqa institutlari, texnika oliy o‘quv yurtlari.

Qobiliyatlar		jismoniy kuch va chidamlilik; yaxshi ko‘rish qobiliyati; qo‘l, oyoq va butun tananing elastikligi; ko‘rish va harakatlarning o‘zaro mosligi; keng tasavvur, texnik fikrlash va texnika bilan ishlashga qiziqish.

Fanlar		fizika, matematika, elektronika, elektrotexnika, chizmachilik, informatika, materialshunoslik, chet tillari.

Mazmuni
  • Metropolitenda – harakat xavfsizligi, aniqligi, yo‘lovchilar uchun yaratilgan qulayliklar, harakat tarkibining ish holatida bo‘lishini ta’minlash, harakat tizimiga hamda vagonlarning elektr jihozlariga texnik xizmat ko‘rsatish va ta’mirlash, temir yo‘l polotnosi holatini nazorat qilish.

    • Afzalliklar    		ish va ish haqining turg‘unligi; yuqori maosh; erosti shahrida kezish va tezlikdan zavqlanish hissi.

    Kasbiy qiyinchiliklar    		ishning smenali tartibi, asabiy va jismoniy zo‘riqish, stressli holatlar va avrallarning kelib chiqishi, texnika xavfsizligi va mehnat muhofazasi qoidalariga qat’iy rioya qilish, ba’zan hayot va sog‘lik bilan tavakkal qilish.

    Batafsil ma`lumot    		Metropoliten - er ostidagi butun boshli shahar desak, xato bo‘lmaydi. Bu soha kasblari va mutaxassislari orasida eng muhimi yoki ikkinchi darajalilari yo‘q, chunki har bir mutaxassis harakat xavfsizligi va aniqligi, yo‘lovchilar kayfiyati hamda ularga yaratiladigan zarur qulayliklar uchun o‘ta mas’ul bo‘lishadi.
    Metropolitenning ishonchli ishlashi uchun harakatlanuvchi tarkibning har doim ish holatida bo‘lishini ta’minlash talab etiladi.
    Metropolitenning harakat tarkibiga yo‘lovchi tashishga mo‘ljallangan motorli vagonlar, texnik yo‘nalishdagi maxsus vagonlar, xo‘jalik yuklarini tashishga mo‘ljallangan motor-relsli transport vositalari kiradi.
    Metropoliten vagonlarining elektr jihozlaridan foydalanish va ta’mirlash bo‘yicha texnik - xizmat qiladigan jihozlar uzellarining detallarini tayyorlash va ularni ta’mirlash ishlari bilan shug‘ullanadi.
    SHuningdek, uning vazifasiga harakat tarkibidagi uzellarni ajratish, pnevmatik tizimning alohida asboblarini montaj va demontaj ishlarini amalga oshirish, siqilgan havo bosimi ostidagi pnevmatik jihozlarni shamollatish, alohida mexanizmlarni sinash va sozlash ishlari ham kiradi.
    Mashinist yordamchisi lavozimida ishlaydigan mutaxassis signallar, strelkalar, ya’ni yo‘nalishni ko‘rsatuvchi chiziqlarning joylashuvi, elektropoezd yurishi, temir yo‘l polotnosining holatini nazorat qilish kabi ishlarni amalga oshiradi va, albatta, mashinist topshiriqlarini bajaradi.
    Harakatlanuvchi tarkibning mexanik, pnevmatik va elektr jihozlarini ta’mirlash bo‘yicha texnik – chilangarlik-ta’mirlash ishlarini bajaradi. Bundan tashqari, bu kasb egalaridan elektrovozlarni boshqarish sxemalarni o‘qish; harakat tarkibining alohida mexanizmlarini sozlash va sinash uchun texnik shartlarni bilish ham talab etiladi.
    Umuman, metropoliten xodimlarining ish prinsipi va ish jarayoni temir yo‘l xodimlarinikidan, deyarli, farq qilmaydi.
    Xo‘sh, siz ana shunday kamyob kasblarning egasi bo‘lishni xohlaysizmi? Unda, texnik bilimlaringizni oshiring.