Qurilish materiallari va buyumlarini ishlab chiqarish texnologiyasi
KASBI HAQIDA BATAFSIL MA`LUMOT



Yo'nalish Kodi		 5340500

Kasbiy mutaxassisliklar		Qurilish materiallari ishlab chiqarish bo'yicha texnik-texnolog, temir-beton buyumlarini ishlab-chiqarish texnigi.

Ixtisosliklar
  • O‘rta maxsus (qurilish materiallari ishlab chiqarish bo‘yicha texnik-texnolog, qurilish materiallari ishlab chiqarish mashina va jihozlari operatori, ssement sepuvchi (quyuvchi), temir-beton buyumlari va konstruksiyalarini qoliplovchi, qoliplash agregatlari mashinisti, beton qoruvchi qurilmalar motoristi) –sanoat va qurilish kollejlari;
  • Oliy (muhandis-texnik, muhandis-texnolog) – texnika yoki muhandislik texnologiyasi oliy o‘quv yurtlari.

Qobiliyatlar		ishchanlik, mas’uliyat, sinchkovlik, diqqat va yaxshi xotira, mustahkam sog‘lik, jismoniy bardoshlilik.

Fanlar		matematika, fizika, chizmachilik, kimyo, jismoniy tarbiya, ona tili, chet tili, texnologiya, chilangarlik ishi.

Mazmuni
  • Ishlab-chiqarish korxonalarida va xususiyssexlarda – qurilish materiallari ishlab chiqarishda ishtirok etish, qurilish materiallari ishlab chiqarish mashina va jihozlariga texnik xizmat ko‘rsatish va ta’mirlash, temir-beton buyumlari va konstruksiyalarini qoliplash, qoliplash agregatlarini boshqarish, beton qoruvchi qurilmalarni ishlatish;
  • Ilmiy tadqiqot institutlarida – qurilish materiallari ishlab chiqarishning yangi texnologiyalarini hamda qurilish materiallari mashina va jihozlarining yangi loyihalarini yaratishda ishtirok etish.

    • Afzalliklar    		turg‘un ish va ish haqi; xususiy korxonaga ega bo‘lish va yangi loyihalar muallifiga aylanish imkoniyati, kasb egalariga ehtiyojning yuqoriligi.

    Kasbiy qiyinchiliklar    		yuqori kasbiy mas’uliyat; hamma vaqt texnika xavfsizligi qoidalariga rioya qilish zaruriyati; ruhan va jismonan qiyin ish.

    Batafsil ma`lumot    		YAna qurilishmi, dedi kimdir. Ha, shunday desa ham bo‘ladi. Endi siz bilan zamonaviy qurilish materiallari va ularni ishlab chiqarish texnologiyalari haqida suhbatlashamiz.
    Butun mamlakat bo‘ylab qurilishning avj olishi qurilish sanoatining jadal rivojlanishiga sabab bo‘ldi. Bundan yigirma yil burun hamma narsa sodda va tushunarli edi: suvoq, oqlash, bo‘yash va polga lenolium yotqizish. Ammo bugunga kelib barchasi o‘zgardi: qurilish uchun turli-tuman materiallardan foydalanilmoqda, hattoki an’anaviy beton va g‘isht ham o‘zining etakchi ahamiyatini yo‘qotmoqda. YAngi materiallar zamonaviy binolarning tashqi ko‘rinishi va ichki ishlanmasiga bo‘lgan yondashuvni butunlay o‘zgartirib yubordi.
    Mamlakatimizda mahalliylashtirish Davlat dasturini amalga oshirishda kichik, o‘rta va yirik biznes poydevordan tomgacha va kommunikatsiyalardan pol qoplamalariga qadar qurilish materiallarining butun ko‘lamini ishlab chiqarib, sotuvini yo‘lga qo‘ygan. SHu bilan birga investorlar jalb etilib, ular bilan birgalikda zamonaviy materiallar ishlab chiqaruvchi qo‘shma korxonalar ham ishga tushirilgan. Bu holat jahondagi etakchi korxonalarning zamonaviy uskunalaridan foydalangan holda O‘zbekistonda ishlab chiqarilgan qurilish materiallaridan qurilish va ta’mirlash ishlarini olib borish imkonini bermoqda.
    Bino va inshootlarning zamon talablariga javob beradigan darajada qurish arxitektor, kurilish dezayneri, loyihalovchi, turli quruvchi kasb egalari kabi mutaxassislarning faoliyatidan kam bo‘lmagan qurilish materiallari va buyumlarini ishlab chiqaruvchilarga bog‘liq. Bunga ishonch hosil qilmoqchi bo‘lsangiz, oddiy uy qurilishi uchun yuzdan ortiq turdagi qurilish materiallari va buyumlarining ishlatilishini ko‘z oldingizga keltirishingiz kifoya. Bugungi kunda qurilish materiallari va buyumlarining yuksak zichligi, pishiqligi, ekologik talablarga javob berishi, turli nurlar ta’siriga bardoshliligi, yuqori darajadagi ekologik xavfsizligi, gigiena talablariga javob berishi, allergiya qo‘zg‘atmasligi, o‘rnatishning (ishlatishning, tozalashning) osonligi, estetik jozibadorligi, qisqa qilib aytganda, jahon standarti talablariga javob beruvchanligi kabi talablar qo‘yilgan. Albatta, bu talablarga javob beruvchi qurilish materiallari va buyumlarini ishlab chiqish zamonaviy texnologiya, mashina va jihozlar yordamida amalga oshiriladi. Bu esa o‘z navbatida mustahkam bilim va yuqori malakani talab etadi.
    Texnologik mutaxassisliklardan ixtiyoriysini o‘zlashtirgach, siz zavod, korxona yoki xususiyssexda ma’lum darajadagi qiziqarli, lekin shu bilan birga intensiv va monoton ko‘rinishdagi ishni bajarish imkoniyatiga ega bo‘lasiz. Sizning ishingiz qat’iy tartibga asoslangan bo‘ladi, kechki va kunduzgi smenada ishlashga ham to‘g‘ri kelishi mumkin. Va hamma vaqt ko‘zingiz oldida konveyer liniyalar hamda mahsulotlar namunalari bo‘ladi. Lekin bunaqa ishning turg‘unligi bilan bir qatorda, o‘z mehnatining natijasidan zavqlanish baxtini ham rad etib bo‘lmaydi. YA’ni, vaqt-vaqti bilan savdo do‘konlari, qurilish ob’etlarini turli xildagi qurilish materiallari bilan to‘ldirib turish jarayonida ishtirok etgan holda, ularni moddiy jihatdan ta’minlab tursangiz, ikkinchi tomondan insonlarga estetik zavq ulashasiz. Bu juda ham ajoyib, shunday emasmi?
    Agar qurilish materiallari va buyumlarini ishlab chiqish sizni qiziqtirgan bo‘lsa, bu kasbning eng mohir ustasiga aylanishingiz mumkin. Muvaffaqiyat.