 Yo'nalish Kodi | 3320900 |
 Kasbiy mutaxassisliklar | Keng assortimentdagi kiyimlar modeler- konstruktori |
 Ixtisosliklar |
|
 Qobiliyatlar | qo‘l barmoqlari va panjalarning rivojlangan motorikasi, ko‘z bilan aniq chamalash, ohistalik, qunt, sabr, rassomona did, keng tasavvur. |
 Fanlar | tasviriy san’at, chizmachilik, anatomiya, mehnat, estetika, psixologiya, tikuvchilik ishi, chet tillari, informatika. |
 Mazmuni | |
 Afzalliklar | ish – ijodiy, deyarli darhol qo‘lga kiritiladigan shaxsiy ish natijasidan rohatlanish; ko‘p sonli doimiy mijozlarni qo‘lga kiritish va ortiqcha qiyinchiliklarsiz o‘z shaxsiy biznesini ochish imkoniyati. |
 Kasbiy qiyinchiliklar | ko‘plab kichik va qariyb zargarlik harakatlarini o‘z ichiga olgan ishning jismoniy qiyinchiligi; mijozlar bilan kelishmovchiliklar kelib chiqishi; ixtiyoriy paytda mijozga kerak bo‘lmay qolish tavakkali. |
 Batafsil ma`lumot | Zamonaviy tikuvchi oldiga faqatgina chiroyli kiyimlarga buyurtma berish maqsadida borishmaydi. Ko‘pincha, tikuvchining mijozlari bozorlarda fason va o‘lchamlarga to‘g‘ri keladigan muayyan turdagi kiyimlarni topa olishmaydi. Tikuvchidan nafaqat tikish, balki modelni ochib berish, ustiga ustak ko‘pincha shu model ustida mustaqil ishlash talab etiladi, chunki aksariyat hollarda mijoz aynan qanday fasondagi kiyimni xohlayotganligini bilmaydi hamda tikuvchining mahorati va fantaziyasiga tayanadi. Buning uchun professionalizm va qobiliyat kerak. Professionalizmsiz qobiliyat hech qanday natija bermaydi. Biroq professionalizmga yo‘l qattiq va jiddiy o‘qish bilan ochiladi. Agar inson qobiliyatli bo‘lsa-da, lekin o‘qishni xohlamasa (ishyoqmaslik qilsa yoki qiziqmasa), undan hech qanaqa professional chiqmaydi. U shunday umid baxsh etuvchi shogirda bo‘lib qoladi, yoki hech kim bo‘lib qolishi ham mumkin. Bu - hamma kasbga tegishli. Omad hamma vaqt mehnat qilish, hattoki qobiliyat eng asosiysi bo‘lgan sohalarda ham, doimiy malaka oshirib borishga bog‘liq. Buning ustiga zamonaviy tikuvchi uchun bu qoida ikki marta muhimdir. Buning sababi, hech bo‘lmaganda bugun bozorda kiyimlarning katta tanlovi mavjudligiga borib taqaladi. Agar kimdir bu kiyimlar orasidan o‘ziga yoqadiganini, o‘ziga mosini tanlay olmasa, bu faqat bir narsani anglatadi – inson aynan o‘zining didi va xarakteri asosida tikilgan o‘zgacha kiyimni izlayapti. Buyurtmachining xarakterini tushunish va unga eng yarashadigan fason qaysiligini aniqlab olish – muvaffaqiyatli tikuvchining asosiy ishbilarmonligi. Buyurtmachilar aniq model bo‘yicha kiyimni tiktirishni yoki tayyor bichim asosida tanlashni xohlashlari muhim emas. Atelening tajribali mutaxassislarining aytishlaricha, ko‘pincha buyurtmachilar aynan “nishonga urishadi”, ya’ni o‘zlariga aynan mos tushadigan modelni tanlashadi. Agar buyurtmachi xohlayotgan bo‘lsa, “mos tushadi yoki mos tushmaydi”,- nima degani? Hamma gap professionalning ko‘zi mijoz tanlovda adashayotganligi yoki adashmayotganligini darhol aniqlashida. Agar mijoz xato qilayotgan bo‘lsa, u “kostyum aytilganidek turmaganligida” kimni ayblaydi? O‘zini emas, har holda. SHu erdan tikuvchining asosiy vazifasi kelib chiqadi – mijoz tanlovda adashayotgan bo‘lsa, u uchun eng mos tushadigan variantni tanlash va uni shu taklif to‘g‘ri ekanligiga ishontira bilish. Mijoz keyin rahmat ham aytadi. Bundan tashqari, tikuvchi doimiy mijozlar zahirasiga ega bo‘lmoqchi bo‘lsa (ya’ni yaxshi pul ishlab topmoqchi bo‘lsa), u psixolog ham bo‘lishi kerak. Axir, buyurtma amalga oshishi yoki mutaxassis mijozni qo‘ldan boy berishi mijoz va mutaxassis orasidagi suhbatga borib taqaladi. Tikuvchi ishsiz qolmaydi, albatta. U ixtiyoriy tikuvchilik ishlab chiqarish sohasida ishga kirishi mumkin – texnolog bo‘lib. YOki kiyimni yangilash va ta’mirlash bo‘yicha mutaxassis bo‘lishi ham mumkin. Ayrim do‘konlarga tayyor kiyimlarni xaridorlarga “tiqishtirish” bo‘yicha ham mutaxassislar kerak. Turli xildagi buyurtmalarni amalga oshirgan holda, uyda ishlash ham mumkin. Aytgancha, xizmat ko‘rsatish sohasidagi ixtiyoriy ish o‘z yaqinlari va do‘stlarining buyurtmalarini amalga oshirishdan boshlanadi. Mahoratli, malakali, albatta, chiqishimli mutaxassisda doimiy mijozlar, raqobat kuchli bo‘lmagan kichik shaharlarda, o‘z o‘zidan ko‘payib boradi. Albatta, tikuvchining ishi (ha, aynan ishi, shunchaki, aytaylik, xobbi sifatida o‘tirib nimanidir tikish emas!) – ma’lum miqdorda, charchatadigan ham. O‘quv amaliyotiga sizni fantaziyangizni bir chetga surib qo‘yib ishlashingiz kerak bo‘lgan fabrikaga ham yuborishlari va bu narsani ishingizning muhim bosqichi deb qabul qilishingizga to‘g‘ri kelishi ham mumkin. Lekin siz eksklyuziv ko‘ylakni yoqtiruvchilar ishonchini qozonsangiz, ishingiz sizga nafaqat pul, balki haqikiy rohatni ham baxsh etadi. Qarabsizki, o‘zingiz shaxsiy saloningizni yoki shaxsiy kiyim markangizni tashkil etishingiz mumkin. Balki, sizni mashhur kinostudiyaga ham ishga taklif qilishar. Omadingizni bersin. |