 Yo'nalish Kodi | 5120600 |
 Kasbiy mutaxassisliklar | Dinshunos. |
 Ixtisosliklar |
|
 Qobiliyatlar | ilohiylikni sevish, keng tasavvur, ijodiy qobiliyat, kuzatuvchanlik, ko‘ngilchanlik, e’tiborlilik, sabrlilik, tashkilotchilik, odamlar bilan ishlash qobiliyati, kirishuvchanlik, ta’sir o‘tkaza bilish, boshqaruvchanlik xususiyatlari. |
 Fanlar | ona tili va adabiyot, ma’naviyat asoslari, tarix, huquq, psixologiya, estetika, shaxs va jamiyat, chet tillari, odobnoma, informatika va axborot texnologiyalari, dinshunoslik, tafsir (Qur’on ma’nolari), hadis ilmlari, arab tilida so‘zlashuv, arab tili grammatikasi. |
 Mazmuni | |
 Afzalliklar | ko‘plab ijobiy xususiyatlar va yangi taassurotlarni o‘z ichiga olgan xayrli, qiziqarli ish; juda ko‘p insonlar bilan muloqotda bo‘lish; insonlar hurmatiga sazovor bo‘lish, jamoatchilikning minnatdorchiligi, jamoatning ruhiy qoniqishi. |
 Kasbiy qiyinchiliklar | yuqori kasbiy mas’uliyat va javobgarlik; har xil xarakterdagi va turli yoshdagi insonlar bilan ishlash qiyinchiliklari; psixologik jihatdan qiyin, hech qanday maosh bilan oqlab bo‘lmaydigan asabiy holatlarning kelib chiqishi; jamoatchilikning ba’zan nohaq e’tirozlari. |
 Batafsil ma`lumot | Din xodimi – turli yoshdagi insonlar bilan ishlaydigan, ularni ruhiy ozuqasini qondiradigan, odamlarni egulikka boshlaydigan va yovuzlikdan va salbiy xulq-atvordan qaytaradigan mutaxassis. U insonlarning diniy ehtiyojini qondirishga va chiroyli xulqni shakllantirishga yordam beradi, yoshlar ongiga oila muqaddasligi to‘g‘risidagi tushunchalarni singdiradi. Bu kasb odamlarning ruhiy ozuqasini rivojlantirishga qaratilgan bo‘lganligi uchun imom xatib har bir kishining qalbida Ollohga nisbatan muhabbat uyg‘ota oladigan yaxshi mahorat egasi bo‘lish kerak. Imom xatiblik kasbi islom dinining paydo bo‘lishi bilan bog‘liq. Uning tarixi o‘n to‘rt asrga teng bo‘lib, bu kasb asrlar osha rivojlanib, mukammallashib keldi. Hozir O‘zbekistonning deyarli barcha viloyatlarida zamonaviy talablarga javob bera oladigan, qulay binoga hamda yuqori darajadagi moddiy-texnik ta’minotga ega bo‘lgan diniy o‘quv yurtlari foydalanishga topshirilgan. SHuningdek, zamonaviy usulda qurilgan va jihozlangan jome’ masjidlari ham faoliyat olib bormoqda. SHunday ta’lim maskanlarida tahsil olib, keyinchalik masjid va diniy o‘quv yurtlarida o‘z faoliyatingizni yo‘lga qo‘ymoqchi bo‘lsangiz, kasbning qiyinchiliklarini engib o‘tishingizga to‘g‘ri keladi. Buning uchun siz diniy va dunyoviy ilmlarni puxta o‘zlashtirishingiz, insonlarning ichki olami, ularning xarakterini to‘la o‘rganishingiz kerak. YOqimli ovozga va tashqi ko‘rinishga ega bo‘lish bilan birga nutqiy qobiliyatlaringizni ham rivojlantirishingiz lozim. Diniy ma’rifiy va ma’naviy-axloqiy tarbiya masalalari bo‘yicha maslahatchi o‘z faoliyatini O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalari qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, “Fuqarolar yig‘inlarining diniy-ma’rifat va ma’naviy-axloqiy tarbiya masalalari bo‘yicha maslahatchisi faoliyati to‘g‘risidagi Nizom”ga va boshqa normativ-huquqiy hujjatlarga muvofiq amalga oshiradi. Asosiy vazifalari: jamiyatda ijtimoiy-ma’naviy muhitni sog‘lomlashtirish, huquqbuzarlik, jinoyatchilik, diniy ekstremizm va terrorizmga qarshi kurashda fuqarolar faolligini oshirishga ko‘maklashish; xavfsizlik va jamoat tartibini saqlash, fuqarorlar hushyorligi va ogohligini oshirish tinchlik, osoyishtalik va barqarorlikni ta’minlashda ishtirok etish; aholida, eng avvalo, yoshlarda huquqiy madaniyatni yuksaltirish, milliy ma’naviyatimizga zid bo‘lgan turli salbiy ta’sirlarning oldini olish yuzasidan tushuntirish ishlarini samarali tashkil etish; mamlakatimizda qaror topgan tinchlik va barqarorlikni mustahkamlashga munosib hissa qo‘shish har bir fuqaroning burchi ekanligini aholi ongiga singdirish; barqaror diniy va ma’naviy-axloqiy muhitni ta’minlashga, millatlararo do‘stlik va hamjihatlikni mustahkamlashga doir chora-tadbirlarni ishlab chiqish va amalga oshirish, fuqarolarning diniy e’tiqod erkinligi huquqlariga rioya etilishini ta’minlash, diniy qarashlarni majburan singdirishga yo‘l qo‘ymaslik choralarini ko‘rish, vijdon erkinligi va diniy tashkilotlar to‘g‘risidagi qonun hujjatlariga rioya etilishini ta’minlashda ishtirok etish; nosog‘lom diniy g‘oyalar ta’siriga tushib qolgan oilalar va fuqarolar bilan, shuningdek, jinoyat sodir etganligi uchun jazo muddatini o‘tayotgan yoki o‘tab qaytgan shaxslarning oilalari bilan alohida ish olib borish, ularning ijtimoiy hayotda o‘z o‘rinlarini topishlariga ko‘maklashish; giyohvandlik va ichkilikbozlikka ruju qo‘yganlarni, oila-turmush tarzida muntazam huquqbuzarliklar sodir etuvchilarni, farzand tarbiyasiga salbiy ta’sir ko‘rsatuvchi ota-onalarni, turli noqonuniy targ‘ibot-tashviqot ishlarini olib boruvchi shaxslarni, yoshlarga noqonuniy diniy ta’lim beruvchilarni, konstitutsiyaviy tuzumga qarshi turli axborotlarni tarqatuvchi shaxslarni aniqlash va ular bilan profilaktik-tarbiyaviy ishlarni olib borishda ichki ishlar organlari bilan hamkorlik qilish; aholi, ayniqsa yoshlar va xotin-qizlar ijtimoiy bandligini ta’minlashga ko‘maklashish; milliy, diniy urf-odatlar va marosimlarning ixcham va zamonaviy tashkil etilishiga ko‘maklashish; ta’limga oid masalalar yuzasidan ta’lim muassasalari bilan “Oila – mahalla – ta’lim muassasasi” hamkorligini kuchaytirish. Maslahatchi qonun hujjatlariga muvofiq boshqa vazifalarni ham amalga oshirishi mumkin. U o‘z vazifalarini belgilangan tartibda davlat hokimiyati va boshqaruv organlari, nodavlat-notijorat tashkilotlari, boshqa fuqarolik jamiyatlari institutlari, fuqarolik yig‘ini kengashi a’zolari, fuqarolar yig‘ini faoliyatining asosiy yo‘nalishlar bo‘yicha komissiyalar va yig‘in huzuridagi “Ota-onalar universitetlari” bilan hamkorlikda amalga oshiradi. Bu ishda eng asosiysi – “Vijdon erkinligi to‘g‘risida”gi qonunga amal qilish. |