Elektronika va asbobsozlik - Elektronika
KASBI HAQIDA BATAFSIL MA`LUMOT



Yo'nalish Kodi		 5310800

Kasbiy mutaxassisliklar		Elektron texnikalarini montaj qilish va sozlash texnigi.

Ixtisosliklar
  • O‘rta maxsus (elektron texnika buyumlari va asboblari montajchisi, elektron texnika buyumlari va asboblari yig‘uvchisi, detallar sifati nazoratchisi, elektron jihozlar sozlovchisi) – politexnika va sanoat kollejlari;
  • Oliy (elektr mexanigi, elektr izolyatori va kabellar texnigi, elektr va elektron apparatlar texnigi, elektrotexnik majmualar va tizimlar texnigi, konchilik mashinalari va jihozlari texnigi, elektrotexnologik jarayonlar va qurilmalar texnologi, nazariy elektrotexnik) – texnika oliy o‘quv yurtlari, tog‘-kon metallurgiya institutlari.

Qobiliyatlar		aniqlik, diqqat, sabr-toqat, diqqatni uzoq vaqt to‘play olish, mantiqiy fikrlash, qo‘l harakatlarining aniq va chaqqonligi, ranglarni farqlay olish qobiliyati.

Fanlar		fizika, matematika, ona tili, chet tili, elektrotexnika, elektronika, inqormatika va axborot texnologiyalari.

Mazmuni
  • Zamonaviy texnika bilan ta’minlangan barcha tashkilotlarda – elektron texnika buyumlarini mikropayvandlash, elektron texnika va asboblar detallari va tugunlarini montaj qilish, buyumlarni yig‘ish tartibini boshqarish, elektron texnika ishidagi nuqsonlarni bartaraf etish, elektron texnika buyumlari germetizatsiyasida ishtirok etish.

    • Afzalliklar    		“kelajagi porloq” kasb, zamonaviy texnika bilan ishlash, XXI asr texnika asri bo‘lganligi uchun bu kasb vakillariga hamma vaqt ehtiyojning yuqori bo‘lishi.

    Kasbiy qiyinchiliklar    		tok urib qolish ehtimoli, tasodifiy o‘lim, arzimagan xato tufayli butun bir elektr tarmoqni ishdan chiqarib qo‘yish ehtimoli

    Batafsil ma`lumot    		Zamonaviy texnika bilan ta’minlangan barcha tashkilotlarda – elektron texnika buyumlarini mikropayvandlash, elektron texnika va asboblar detallari va tugunlarini montaj qilish, buyumlarni yig‘ish tartibini boshqarish, elektron texnika ishidagi nuqsonlarni bartaraf etish, elektron texnika buyumlari germetizatsiyasida ishtirok etish.
    Elektronika sanoati biznesning tezlik bilan rivojlanib va kengayib borayotgan sohalaridan biri, shuning uchun ham elektron texnika bilan ishlaydigan mutaxassislarga ehtiyoj juda yuqori.
    Elektr texnikalarini montaj qilish va sozlash texnigi, aniq belgilab qo‘yilgan muolajalarga mos ravishda, elektron qurilma yoki ularning qismlarini montaj qiladi. Bu mutaxassisning asosiy majburiyatlari elektron tarkibiy qismlarni montaj qilish, qalaylash, elektron buyumni ta’mirlash, sozlash, sinovdan o‘tkazish va shu kabilardan iborat.
    Ishlab chiqarilayotgan mahsulotdan kelib chiqqan holda, montaj yoki liniya va konveyerda kechadi, yoki alohida ish stollari atrofida olib boriladi.
    Keling, sizda elektron apparaturalarga va ixtirochilikka qiziqish kuchli, sohada “birinchi” mutaxassis bo‘lmoqchisiz ham, deylik. Orzuning o‘zi kamlik qiladi, buning uchun muayyan ishlarni eplashingiz kerak, ya’ni: elektron texnikalarni mikropayvandlash va germetizatsiya qilish; barcha turdagi mikrosxemalarni yig‘a olish; elektron texnika va asboblar qismlari va tugunlarini montaj qilish; murakkab konstruksiyali va ko‘p qismli indikatorlarni yig‘ish; nazorat-o‘lchov asboblaridagi elektr parametrlarni o‘lchash va tekshirish; elektron texnikalardagi nosozliklarga tashxis qo‘yish va ularni bartaraf etish.
    Orzuingiz ushalishiga tilakdoshmiz.