Pochta xizmati texnologiyasi
KASBI HAQIDA BATAFSIL MA`LUMOT



Yo'nalish Kodi		 5620300

Kasbiy mutaxassisliklar		Pochta aloqasi xizmatlarini tashkil etish bo'yicha mutaxassis.

Ixtisosliklar
  • O‘rta maxsus (pochta aloqasi operatori, pochta aloqasi texnigi, pochta aloqasi jihozlaridan foydalanish texnigi) – aloqa va maishiy xizmat kollejlari;
  • Oliy (pochta xizmatini tashkil etish va texnologiyasi) – aloqa va axborot texnologiyalari institut va universitetlari.

Qobiliyatlar		chiqishimlilik, xushmuomalalik, sabr, diqqat, tezkorlik, uzoq muddatli xotira, ohistalik, aniq, tushunarli nutq, o‘z-o‘zini boshqara olish, faollik.

Fanlar		geografiya, huquq, ona tili va adabiyot, chet tillari, informatika va axborot texnologiyalari.psixologiya, estetika

Mazmuni
  • Pochta bo‘limlari va bosh pochtamplarda - pochta uzatmalarini qabul qilib olish, ishlov berish, jo‘natish va egalariga topshirish, me’yoriy talablarga ko‘ra pochta hujjatlarini to‘ldirish va jo‘natish, pochta-kassa operatsiyalari bo‘yicha birlamchi nazoratni amalga oshirish, pensiya va nafaqalarni etkazish, pochtalonlar ishini tashkil etish, abonent shkaflari va pochta qutilari holatini nazorat qilish, jihozlarga texnik xizmat ko‘rsatish va ta’mirlash.

    • Afzalliklar    		kasbning jamiyat uchun muhimligi; turg‘un ish o‘rni va turg‘un ish haqi; binoning ichidagi ish; me’yoriy ish kuni; har xil insonlar bilan muloqotda bo‘lish.

    Kasbiy qiyinchiliklar    		unga bog‘liq bo‘lmagan holda pochta uzatmalarining o‘z vaqtida jo‘natilmay qolish holatlari; pochta uzatmalarini tarqatishda ish vaqtining ko‘p qismini tik oyoqda o‘tkazish; ba’zan nizoli holatlarning kelib chiqishi.

    Batafsil ma`lumot    		Ha, bugun aloqa almashinish tezligi va qulayliklarini ajdodlarimiz etti uxlab, tushlarida ham ko‘rishmagan bo‘lishsa kerak. Axborot almashinuvi tarixi tosh davridan boshlangan. U zamonlarda axborot gulxan tutuni, ogohlantiruvchi baraban zarblari, karnay ovozi va shunga o‘xshash usullarda uzatilgan. Keyinchalik og‘zaki ma’lumotlarni etkazishda choparlardan foydalanilgan. Bu xabarchi jo‘natuvchining so‘zlaridan “xat”ni yodlab olib, qabul qiluvchiga uni takrorlagan. Ko‘rinib turibdiki, pochta bo‘limlari ancha keyin tashkil etilgan bo‘lsa-da, pochta xizmati antik davrlardayoq paydo bo‘lgan ekan.
    Zamonaviy pochta bo‘limlarida va bosh pochtamptlarda nafaqat pochtalonlar, balki boshqa ixtisoslik vakillari, masalan, pochta aloqasi texnik va operatorlari ham xizmat qilishadi.
    Pochta aloqa operatorining ishi – xilma-xil. Malakali operator barcha pochta operatsiyalarini o‘zlashtirib olgan bo‘lishi kerak.
    Operator xat, banderol, uzatma, telegramma va pulni (o‘tkazish uchun) qabul qiladi, ishlov beradi, jo‘natadi va kelganlarini tarqatadi. Bundan tashqari pensiya va nafaqalarni o‘z vaqtida etkazish majburiyatiga ham ega.
    SHuningdek, davriy nashrlarga obunani qabul qiladi. Pochta uzatmalari va davriy nashrlarni etkaziladigan hududlar bo‘yicha saralaydi, pochtalonlar xizmatini tashkil etadi. Abonent shkaflari va pochta qutilari holatini ham nazorat qiladi.
    Pochta aloqa operatori binoning ichida ishlaydi. Uning ish o‘rni u bajarishi kerak bo‘lgan vazifalarga bog‘liq tarzda jihozlanadi: stol, kassa apparati, kompyuter; stolda esa – shtempel , surguch, kanop ip va qog‘oz - albatta bo‘lishi shart.
    Pochta aloqa texnigi pochta xizmatini tashkil qilish va undan foydalanish jarayonlarining bevosita ijrochisi va tashkilotchisi bo‘lib hisoblanadi.
    Pochta aloqasi jihozlaridan foydalanish texnigining xizmat vazifalari esa, pochta aloqasini tashkil etishdagi foydalaniladigan barcha jihoz va qurilmalarga, nazorat-kassa apparatlariga, elektron asboblarga texnik xizmat ko‘rsatish va ularni ta’mirlash kabi vazifalar kiradi.
    Siz insonlarga xizmat qilishni, ular uchun muhim xabar va uzatmalar jo‘natishda o‘z hissangiz bo‘lishini xohlaysizmi? Agar siz bunga burch deb qaray olsangiz, unutmang:
    “O‘z burchini bajarishdan mamnun odamgina erkin yashaydi”. (Sitseron)