Mehmonxona xo‘jaligini tashkil etish va boshqarish
KASBI HAQIDA BATAFSIL MA`LUMOT




Yo'nalish Kodi
5610200

Kasbiy mutaxassisliklar
Mehmonxona va restoran xizmati menejeri.

Ixtisosliklar
  • O‘rta maxsus (administrator, bron qilish fondi agenti, xonalar fondi menejeri, servis menejeri, barmen, ofitsiant) – iqtisodiyot va servis, turizm, turizm va biznes kollejlari.
  • Oliy (mehmonxona xo‘jaligini tashkil etish va boshqarish) – mehmonxona xo‘jaligini tashkil etish va boshqarish yo‘nalishiga ega bo‘lgan oliy o‘quv yurtlari.

Qobiliyatlar
chiqishimlilik, stresslarga dosh bera olish, mehmondo‘stlik, jismoniy chidamlilik, harakatlarning o‘ta aniqligi, ohistalik, o‘ta yuqori muomala madaniyati, mas’uliyat.

Fanlar
chet tillari, ona tili va adabiyot, matematika, etiket, estetika, informatika va axborot texnologiyalari, mehmonxona menejmenti va marketingi, restoran menejmenti, tovarshunoslik asoslari.

Mazmuni
  • Mehmonxona va restoranda – mehmonxonadagi texnologik jarayonlar sifatini baholash; mehmonxonaning ishlab chiqarish-texnologik faoliyatini rejalashtirishda ishtirok etish; mijozlarning turli guruh va toifalariga xizmat ko‘rsatish sifatini ta’minlash; mehmonxona bo‘limlari faoliyati koordinatsiyalarida ishtirok etish; mehmonxona biznesini rivojlantirish biznes-reja va dasturlarini tuzishda ishtirok etish; mehmonxona va turistik xizmatlarni rivojlantirish; ko‘shimcha xizmatlarni tashkillashtiradigan tashkilotlar bilan hamkorlik qilish; mijozlarning xizmat ko‘rsatish bilan bog‘liq e’tirozlarini o‘rganib chiqish va bartarf etish.

  • Afzalliklar
    chiroyli bezatilgan, shinam binoda musiqa sadolari ostidagi ish; ish haqi va ish turg‘unligining yuqori darajasi, aniq belgilab qo‘yilgan majburiyatlar; karerada yuqori cho‘qqilarni osonlik bilan zabt etish; o‘z shaxsiy mehmonxona yoki restoranini ochish imkoniyati.

    Kasbiy qiyinchiliklar
    ba’zida injiq va yoqimsiz mijozlar bilan aloqada bo‘lish; vaqtning katta qismini ish bilan o‘tkazish;

    Batafsil ma`lumot
    Shinam zal. Ajoyib interer. Sokin, yoqimli musiqa. Tansiq taomlar. Muloyim va sermulozamat ofitsiantlar... Bularning hammasi restorandagi betakror muhitni hosil qiladi, qaysiki aynan uning uchun insonlar tashrif buyurishadi. Lekin hamma mijozlar ham bu mo‘‘jizalar ostida qanday mashaqqat yotganini bilishmaydi. Mehmonxona va restoran biznesi – milliy bozorning tezlik bilan rivojlanib borayotgan sektorlaridan biri. U mehmonxona va boshqa joylashish markazlari, transport, jamoat ovqatlanish, dam olish tashkilotlarini o‘z ichiga oladi. Mehmonxona xo‘jaligini tashkil etish va boshqarishda administrator, bron qilish fondi agenti, xonalar fondi menejeri, servis-menejer, barmen va ofitsiant kabi mutaxassislarning o‘rni beqiyos. Ixtiyoriy mehmonxonaga kirsangiz, avvalambor, administratorga duch kelasiz va uning xizmatidan foydalanasiz. Bron qilish agenti xizmatidan foydalanish uchun bizning davrimizda mehmonxonaga borib o‘tirishning hojati yo‘q. Ofisdan yoki uydan chiqmasdan turib, mamlakatning yoki dunyoning istalgan mehmonxonasida o‘zingiz uchun Internet orqali xona bron qilish va mehmonxona shart-sharoitlari, moliyaviy xarajatlar to‘g‘risida ma’lumotga ega bo‘lish imkoniyati mavjud. Xonalar fondi agenti ham mehmonxona hayotida muhim o‘rin tutadigan figura desak, yanglishmaymiz. Har bir xonadagi jihozlar va buyumlar uchun aynan ushbu mutaxassislar mas’ul hisoblanishadi hamda ulardan qat’iy ravishda odob-axloq qoidalariga rioya qilish talab etiladi.
    Mehmonxona va restoran xizmati menejeri kasbini qo‘lga kiritmoqchi bo‘lgan talabalar ta’lim davrida gumanitar, aniq, umumkasbiy fanlarni o‘zlashtirishadi: jahon iqtisodiyoti, marketing, menejment nazariyasi va boshqalar. Maxsus boshqarish qirralariga o‘zgacha e’tibor qaratiladi: strategik, moliyaviy menejmentga, inson resurslarini va loyihalarni boshqarishga. Mehmon kutish asoslari, mehmonxona tashkilotlarida xizmat ko‘rsatishni tashkil qilish, ovqatlanish tashkilotlarida ish yuritishni tashkil qilish, ratsional ovqatlanish asoslari kabi maxsus fanlarni bilish mehnat bozorida mehmon kutish sohasi bo‘yicha o‘z munosib o‘rnini topish imkonini beradi.