San’atshunoslik
KASBI HAQIDA BATAFSIL MA`LUMOT



Yo'nalish Kodi		 5150200

Kasbiy mutaxassisliklar		Musiqiy-nazariy fanlar o'qituvchisi.

Ixtisosliklar
  • O‘rta maxsus (bolalar musiqa va san’at maktablarida musiqiy-nazariy fanlar va umumiy fortepyano o‘qituvchisi) – madaniyat va san’at kollejlari;
  • Oliy (musiqashunos, teatrshunos va dramaturgiya, san’at nazariyasi va tarixi, muzeyshunoslik, konservatsiya va badiiy yodgorliklarni saqlash) – teatr va rassomchilik instituti, madaniyat va san’at institutlari, konservatoriyalar.
Qobiliyat bo‘lsa, ixtiyoriy ta’limning imkoni bor.

Qobiliyatlar		kuzatuvchanlik, e’tiborlilik, mehribonlik, talabchanlik, ijodiylik, chiqishimlilik.

Fanlar		ona tili va adabiyot, tarix, shaxs va jamiyat, geografiya, tasviriy san’at, musiqa, psixologiya, estetika, chet tillari, informatika va axborot texnologiyalari.

Mazmuni
  • Bolalar musiqa va san’at maktablarida - musiqiy-nazariy fanlar va umumiy fortepyano o‘qituvchisi faoliyati.

    • Afzalliklar    		ijodiy va ezgu ish, ko‘p sonli insonlar bilan muloqotga kirishish, turg‘un ish o‘rni va ish haqiga ega bo‘lish, shogirdlar va ota-onalar orasida hurmatga sazovor bo‘lish imkoniyatlari.

    Kasbiy qiyinchiliklar    		yuqori kasbiy mas’uliyat; turli xarakterdagi bolalar va ota-onalar bilan ishlash; ular bilan nizoli holatlarning kelib chiqish ehtimoli.

    Batafsil ma`lumot    		Musiqiy nazariy fanlar va umumiy fortepyano o‘qituvchisi kasbini kasblarning “odam-odam” turiga ham, “odam-badiiy obraz”, “odam-belgilar tizimi”turiga ham kiritish mumkin. CHunki musiqa o‘qituvchilari ham bolalar bilan, ham musiqa asboblari bilan, ham nota belgilari bilan ishlashadi. SHuning uchun ham ushbu soha insondan ancha mukammallikni talab etadi. Oddiy qilib aytadigan bo‘lsak, ular ham pedagog, ham ijodkor sifatida mehnat qilishadi.
    Fortepyano – pianino, royal va shu kabilarning umumiy nomi.
    Umumiy fortepyano o‘qituvchisidan shu singari musiqa asboblarida yaxshi ijro eta olish bilan birga, cholg‘u ijrochiligini bolalarga chuqur o‘rgatish ham talab qilinadi. Xuddi shuningdek, musiqa nazariyasini ham o‘quvchilarga singdirishi lozim. Eng muhimi – har bir bola qalbida musiqaga mehr uyg‘ota olish. Ta’lim sohasidagi boshqa kasblarda bo‘lganidek, musiqa o‘qituvchilari ham o‘ta yuqori kasbiy mas’uliyatga ega bo‘lishadi. Har qanday musiqa o‘qituvchisi o‘quvchilarning musiqiy ta’limi bo‘yicha ota-onalar va boshqa pedagoglar bilan hamkorlikda ishlashadi. O‘quvchilarning musiqiy qobiliyatlarini, hissiyot doirasini, ijodiy faoliyatini rivojlantirish – ularning asosiy vazifasi bo‘lib, har bir o‘quvchi yoki tarbiyalanuvchining yosh va psixologik xususiyatlarini inobatga olish muhim.
    O‘qituvchilarning faoliyati faqat shu bilan tugamaydi, ular pedagogik va uslubiy kengashlarda, turli ma’naviy-ma’rifiy tadbirlarda, ota-onalar yig‘ilishlarida ishtirok etishadi. SHuningdek, ish faoliyatiga oid bo‘lgan barcha me’yoriy hujjatlarni yuritishga ham mas’uldirlar.